Monumento
Castro de Castromaior
Un dos xacementos arqueolóxicos máis relevantes da Idade de Ferro no noroeste da Península Ibérica, ofrece unha xanela única ao pasado.
Portomarín
Portomarín conserva a esencia das vilas galegas tradicionais a beiras do río Miño. Trátase dun enclave único de rúas empedradas, soportais e casiñas de baixa altura a apenas 25 quilómetros do sur de Lugo capital.
É famosa pola súa impresionante beleza paisaxística, destacando polo coidado e mantemento dos seus numerosos espazos naturais. A presenza de parques como o de Manuel de Blas, Antonio Sanz e Agustín del Río valéronlle o alcume de "Vila Xardín". Actualmente, esta localidade ostenta a maior extensión de zonas verdes no seu centro urbano, o que contribúe aínda máis ao seu encanto e atractivo.
Con todo, falar de Portomarín é facelo das súas dúas almas e do encoro de Belesar. Na década dos anos 60 tomouse unha decisión que cambiaría para sempre o destino deste enclave. A construción da presa obrigaría a asolagar a historia dun pobo para reescribila, nunha zona máis alta, marcando como reto manter a mesma esencia do pasado. E o certo é que o Portomarín actual ten un alto parecido ao seu predecesor, xa que algunhas edificacións trasladáronse con sumo coidado, pedra a pedra, para reescribir o destino deste paso crave do Camiño francés a Compostela.
Nesta particular mudanza, tamén houbo algunhas perdas sensibles, como pequenas edificacións ou muíños a pé de río que quedaron asolagados. Portomarín combina por tanto unha atractiva parte visible con tesouros mergullados que relatan unha importante historia por descubrir.
Se queres afondar nos seus segredos, accede a todos os seus puntos de interese.
