Concellos

Arzúa é un punto estratéxico do Camiño francés, de altísimo valor turístico pola súa riqueza natural e gastronómica e polos atractivos de lecer que ofrece. É un lugar único, de longa tradición e historia, enmarcado nunha natureza cativadora que a fan brillar como destino verde de Galicia.

Camponaraya, en plena comarca do Bierzo, posúe unha innegable tradición do Camiño de Santiago. Desde a súa bandeira e o seu escudo, onde a cuncha de vieira é protagonista, ata a súa localización estratéxica no trazado do Camiño francés, convértena nunha parada destacada para camiñantes e peregrinos rumbo a Compostela. Rodeado de campos de viñedos e nunha contorna privilexiada, é o punto de partida para cada vez máis turistas camiño a Santiago.

Melide é parada de referencia para peregrinos e turistas que buscan a esencia do interior de Galicia. Posúe algunhas das xoias históricas máis destacadas do Camiño francés e é un auténtico fervedoiro de experiencias xacobeas. A iso hai que unir paraxes naturais e unha gastronomía única.

Monterroso, berce do nacemento do río Ulla e parte fundamental da comarca da Ulloa, dá a benvida aos seus visitantes rodeado de paisaxes dun verde exuberante e as montañas do corazón de Galicia, que fan deste enclave un destino perfecto para gozar da natureza en estado puro.

O Pino é oficialmente a antesala do fin do Camiño de Santiago. É o último municipio antes da capital galega e habitualmente a última noite antes de chegar á catedral. Trátase dun dos grandes lugares de referencia nas peregrinacións, pero tamén nas visitas turísticas, xa que encerra múltiples atractivos que o fan único.

Palas de Rei, terra de historia e morada de reis, posúe un pasado moi ligado á cultura castrexa. Aquí atópanse multitude de restos antigos, mámoas, dolmens e antigas fortalezas ou “castros”. Unha viaxe no tempo que é todo un presente para os sentidos.

Apenas 100 quilómetros separan Paradela da Catedral de Santiago. É a distancia mínima para obter a Compostela e por iso un punto clave no Camiño Francés, que ademais, destaca por ter a maior concentración de construcións relixiosas de estilo románico de toda Europa.

Pedrafita do Cebreiro é a gran entrada galega do Camiño Francés, da N-VI e da A-6. A súa posición estratéxica, a súa importancia dentro de ruta xacobea en Galicia, as súas construcións e a súa beleza única, xunto ao milagre do Santo Graal en O Cebreiro, consolidan a Pedrafita como un destino único de peregrinación a través dos séculos.

Portomarín conserva a esencia das vilas galegas tradicionais a beiras do río Miño. Trátase dun enclave único de rúas empedradas, soportais e casiñas de baixa altura a apenas 25 quilómetros do sur de Lugo capital.

Samos foi sempre un lugar cargado de historia e tradición xacobea inmerso nunha espectacular natureza e con impresionantes monumentos, que o fan un dos lugares máis singulares do Camiño francés.

Sarria é unha das grandes referencias do Camiño francés. Situada a apenas 111 quilómetros da Catedral de Santiago é, para moitos peregrinos, o punto de partida preferido porque se sitúa á distancia mínima esixida para obter a “Compostela”. Ademais, ofrece ao viaxeiro múltiples atractivos que ben merecen ser descubertos en detalle.

Trabadelo é a penúltima parada leonesa do Camiño francés a Compostela. Situada a apenas 174 quilómetros da capital de Galicia, en plena N-VI e referente no roteiro xacobeo, a pegada que foron deixando os peregrinos e visitantes durante séculos de peregrinación é indubidable. Esta terra é hoxe en día un lugar cargado de simbolismo e de encantos únicos por descubrir.

Triacastela coñécese por ser un lugar profundamente enraizado coas peregrinacións e co Apóstolo Santiago. A 134 quilómetros do destino final do Camiño francés, e cunha paisaxe de montaña é parada obrigada para a peregrinación a Compostela xa desde o século XIII, tal e como relata o Códice Calixtino.

Vega de Valcarce é considerada como a principal porta de entrada a Galicia desde Castela e León a través do Camiño de Santiago. Este municipio único, que se estende ao longo da veiga formada polo río do mesmo nome, posúe un pequeno e fermoso conxunto de casas e unha tradición profundamente enraizada co Camiño de Santiago e as peregrinacións a Compostela.

Villafranca del Bierzo é unha das grandes referencias do Camiño francés antes de chegar a Galicia. De raíces prehistóricas antigas e de esplendor da época romana, a zona goza dunha historia repleta de referencias á travesía xubilar a Santiago. Nos momentos clave foi punto neurálxico do transitar de peregrinos que poñían rumbo ao corazón da cripta do Apóstolo.