Capela da Mota

Nun lugar illado ao noroeste do concello de Arzúa, nunha frondosa carballeira, atópase a ermida da Mota.
Era o lugar da Mota (pedra) un lugar de culto dos antigos poboadores, cristianizado no seu momento coa advocación de tres apóstolos: San Mateo, San Bartolomeu e San Simón.

Aquí se celebran dúas importantes romarías campestres os días de San Bartolmeu e San Mateo.
A carón da carballeira pasa unha variante do Camiño do Norte que conduce de Ribadeo a Compostela. Esta humilde capela é citada no ano 1790 por Jean Pierre Racq, un peregrino de Bruxas que se dirixía a Compostela logo de visitar San Salvador de Oviedo. Tamén a cita o xeógrafo Domingo Fontán no seu estudo do itinerario entre Santiago e Ribadeo na segunda metade do século XIX. Por este lugar pasaba o camiño de retorno que na Idade Media facían os peregrinos dende Santiago a San Salvador de Oviedo. Como di unha antiga cantiga:

"Quen visita Santiago e non ao Salvador serve ao criado e ignora ao Señor".

Segundo a tradición, a carballeira xorde da crenza de que aqueles mozos que plantasen alí un carballo, se prendía, serían librados das súas obrigas coa milicia.

42.986107, -8.195095

pin_drop

Monumento

Lugar daMota, Santo Estevo do Campo
15819 A Coruña
España